اجمیر،9؍اپریل (ایس او  نیوز؍ایجنسی)راجستھان کے اجمیر میں بڑا فیصلہ لیتے ہوئے ضلع انتظامیہ نے لاؤڈ اسپیکر پر پابندی لگا دی ہے- انتظامیہ کا یہ فیصلہ7/ اپریل سے نافذ العمل ہے- انتظامیہ نے صوتی آلودگی کو روکنے کیلئے تمام عوامی اور مذہبی مقامات پر لاؤڈ اسپیکر کے استعمال پر پابندی عائد کر دی ہے-

واضح رہے کہ طویل عرصے سے لاؤڈ اسپیکر کے استعمال پر پابندی کا مطالبہ کیا جا رہا ہے- عدالتوں نے متعدد مواقع پر حکام کو مذہبی مقامات سے لاؤڈا سپیکر ہٹانے کی ہدایت کی لیکن کوئی کارروائی نہیں ہوئی-مشہورر گلوکارہ انورادھا پوڈوال نے اذان کیلئے لاؤڈ اسپیکر پر پابندی کا مطالبہ کیا- ہزاروں مقبول گانوں کو اپنی آواز دینے والی گلوکارہ نے کہا کہ ہندوستان میں اس طرح کی مشق کی ضرورت نہیں ہے-

انورادھا نے کہا کہ میں نے دنیا کے کئی مقامات کا دورہ کیا ہے- میں نے ہندوستان کے علاوہ کبھی ایسا کچھ نہیں دیکھا- میں کسی مذہب کے خلاف نہیں ہوں لیکن یہاں زبردستی اس کی تشہیر کی جا رہی ہے- وہ مسجد سے لاؤڈا سپیکر پر اذان دیتے ہیں - دوسری کمیونٹیز سوال کرتی ہیں کہ اگر دوسرے لوگ لاؤڈ اسپیکر استعمال کر سکتے ہیں تو وہ کیوں نہیں کر سکتے-ٹھیک ہے، یہ پہلا موقع نہیں ہے جب کسی مشہور شخصیت نے لاؤڈ اسپیکر پر پابندی کی بات کی ہو-2017میں مقبول گلوکار سونو نگم، جنھیں حال ہی میں پدم شری ایوارڈ ملا تھا، نے لاؤڈ اسپیکر پر اذان کے خلاف آواز بلند کی-